© ALDAA.MN 2011-2022
9-р сарын 30, Баасан
Улаанбаатар хот

Оросын иргэдэд Шенгений визийн хориг тавих асуудлыг Европын Холбоо хэлэлцэнэ

Украины дайнтай холбоотой Оросын эсрэг ээлжит хориг арга хэмжээний хүрээнд Шенгений орнуудын визийг Оросын иргэдэд олгохгүй болох санал яригдаж эхэлжээ.

Уг саналыг удахгүй болох Европын Холбооны чуулганаар хэлэлцэх гэж буйг Германы засгийн газар өчигдөр мэдээлсэн байна.

“Ийм саналыг Европын Холбооны зарим гишүүн гаргаж, хэлэлцэх асуудлын жагсаалтад оруулсан. Одоо Германы засгийн газар үүнийг танхим дотроо хэлэлцэж, дараа нь Европын Холбооны түвшинд ярилцах ёстой. Хэлэлцүүлэг дуусаагүй байгаа тул би завсрын үр дүнгийн талаар мэдээлэх боломжгүй” гэж Германы засгийн газрын хэвлэлийн төлөөлөгч Стеффен Хебестрейт өчигдөр болсон хэвлэлийн хурлын үеэр сэтгүүлчдэд мэдээлжээ.

Шенгений визийн хоригийн асуудлыг энэ сарын сүүлээр Прага хотод болох Европын Холбооны гадаад хэргийн сайд нарын уулзалтаар хэлэлцэх юм байна.

 

Эх сурвалж: ТАСС

Шинэ мэдээ
Их уншсан
цааш үзэх
Уншиж байна ..